活動詳情

活動詳情

經過生長喺行人路旁嘅樹木嗰陣，你有冇留意佢哋嘅樹幹掛住一個個綠色牌呢？佢哋其實係政府為咗提升樹木管理工作嘅效率同成效而設置嘅樹牌，所以每個樹牌都印有樹木嘅基本資料，包括樹木嘅中英文名稱、學名等，但你有冇諗過原來有啲「小樹靈」匿埋咗喺呢啲樹牌入面，仲等緊你嚟將佢哋收服！？ 今次活動我哋同「我的小樹靈」合作，透過掃描樹牌上嘅二維碼，收集喺南昌公園嘅小樹靈，只要完成活動限定任務，搵出符合指定條件嘅樹靈，就可以換到限定禮物！仲諗？即刻嚟南昌 gather「靈」啦！